* * * * * * * * * * * * * * *
نبارك لكل من فرقة بلال الشامي والمخضرمين فرقة التلفزيون ومطربين العدني
ستصبحون اضافه الي فنكم الرائع .. مدرسين ومراقبين امتحانات طلبتنا وابناءنا بالمدارس
ديربالكم عليهم .. وعلى اياديهم من الطيران والمراويس
الصراحه يا وزيرة التربيه قرار كنا ننتظره منذ زمن طويل .. ريحتينا من اشياء كثيره
ليش اهدي بنتي شيء غالي بمناسبة نجاحها وتفوقها بالدراسه ؟ اهديها غيتار بو طقه استعمال خفيف
وليش اهدي ولدي شي غالي بمناسبة نجاحه وتفوقه بالدراسه ؟ اهديه عود بغدادي وعدد 2 بنقز
واذا نجحو العيال نسوي قعده بالفريج .. وما نعطي الفنانين فلوس .. ابناءنا موجودين
فعلا قرار حكيم ! وعمرو دياب
ونتمنى ايضا من الوزيره في حفل التخرج ان تستضيف كل من :
الاستاذ فيصل علوي و ابو بكر سالم . لتسليم شهادات التخرج للطلبه
واليسا وهيفاء وهبي .. لمدارس البنات
وايضا قرارج الحكيم يا وزيرتنا صاحبة الصوت العذب والاذن الموسيقيه
اصبح تهديد شديد القوه .. لشركات الانتاج مثل روتانا والنظائر .. راحت عليكم
الصراحه اتوقع هالكلام الفارغ اللي قلته كلله .. سنقرأه بمقال بأحد الصحف اليوميه من قلم يعشق التقلقس مع الوزراء والنواب
طول عمرنا ندرس موسيقى .. كـ ترفيه فقط لا غير
اما ان يأتيني ولدي ناجح بالكيمياء والرياضيات والدين ... ولكنه حزين لانه ساقط بالموسيقى !!
اسمحيلي حضرة الوزيره .. قرارج ممكن يكون صح .. لكن مكانه غلط !!
تقدرين تأخذين افكارج وطموحاتج وتتجهين الي شارع احمد عرابي بالقاهره .. او شارع بابريجه باليمن
وان تم الرفض .. لديك فرصه بحي الطرب في بغداد .. اما الكويت .. نعتذر منك .. مستوانا ارفع من قرار هشك بشك
وتقبلي تحياتي واهديك .. كرتون بربس
هناك تعليقان (2):
لا جد و الله مو غشمره انا قاعد اسمع عن ازمة تدريس الموسيقى و ما ادري شنو
هل اهي فعلا الزامية و فيها نجاح و سقوط
ترى مو غشمرة خو انا من مواليد السبعينات
اي والله يابو وليد صج مو غشمره
الزاميه وبالثانويه تصير اختياري
يعني زهب نفسك باجر بتدرس اليهال
دو ري مي .. ومن اول من صنع البيانو
الله يستر يا معود
حبيب قلبي العتيبي مشكور على مرورك
لا تحرمنا من هالقلم
إرسال تعليق